មាន វ័យ៦៧ឆ្នាំ លោកSong Chuangzhong ត្រូវបានគេស្គាល់លោកថាជាវិចិត្រករឯក ដែលរកបុគ្គលណាមួយក្នុងប្រទេសចិនមកប្រៀបពុំបានឡើយជាមួយនឹងទឹកដៃ នៃគំនូររាប់ពាន់ផ្ទាំងរបស់លោក ក្រោយពេលដែលលោកបានបង្ហាញខ្លួនជាសាធារណៈ ដើម្បីបង្ហាញនូវសមិទ្ធិផលដែលលោកបានកសាងទុកអស់រយៈពេលជាច្រើន ឆ្នាំមកនោះ ។
ជា អតីតកសិករ មកពីស្រុកYuqing ខេត្តGuizhou ប្រទេសចិន នៅពេលនេះលោកបានក្លាយទៅជាបុគ្គលម្នាក់ដែលប្រជាជនចិនភាគច្រើន ទទួលស្គាល់ថាជា “វិចិត្របិតា” ខាងគំនូរឯក ។ ក្នុងបទសម្ភាសន៍មួយជាមួយនឹងទូរទស្សន៍CCTV លោកSong បានរៀបរាប់ប្រាប់ថា លោកបានចំណាយពេលជាង៣០ឆ្នាំ ដើម្បីផ្ដាច់ខ្លួនចេញពីសង្គមខាងក្រៅ ទៅរស់នៅក្នុងរូងភ្នំ ក្នុងព្រៃជ្រៅតែម្នាក់ឯង ព្រោះដើម្បីចង់សម្រេចសេចក្ដីប្រាថ្នាក្នុងមួយជីវិតរបស់លោក គឺក្លាយជាវិចិត្រករឯក ។ ពីមួយថ្ងៃទៅមួយថ្ងៃ លោកSong តែងតែជ្រកកោន និងធ្វើការក្នុងរូងភ្នំមួយមានផ្ទៃទំនេរជាង៦០ម៉ែត្រការេ ។
នៅ ទីបំផុត សមិទ្ធិផលដែលលោកសម្រេចបានទាំងប៉ុន្មាន លោកបានបង្ហាញជាសាធារណៈនូវគំនូរជាច្រើនពាន់ផ្ទាំងដែលសុទ្ធតែ ជាផ្ទាំងគំនូរល្អៗ និងមានតម្លៃថ្លៃៗទាំងអស់ ។ លោកក៏បានបន្ថែមទៀតថា ក្ដីបំណងចុងក្រោយរបស់លោកមួយទៀតនោះ គឺលោកនឹងគូរគំនួរមួយផ្ទាំងចុងក្រោយដែលមានប្រវែង៤០០ម៉ែត្រ ដែលមានកំណាព្យនៅលើនោះ ដើម្បីបរិច្ចាកទៅឱ្យសារមន្ទីរជាតិក្នុងទីក្រុងប៉េកាំងទុក ជាសម្បត្តិមនុស្សជាតិ ។
Sign up here with your email
