អាមេរិកបានប្រើប្រាស់យន្តហោះប្រភេទនេះអស់រយៈពេលជាច្រើនឆ្នាំមក ហើយ ជាពិសេសនៅក្នុងសង្គ្រាមអាហ្វហ្គានីស្ថានដោយហេតុថា វាមានសមត្ថភាពខ្ពស់អាចវាយប្រហារចំគោលដៅសត្រូវដែលលាក់ខ្លួន នៅទីតាំងលំបាកៗដែលកងទ័ពជើងគោកពិបាកចូលដល់។ ដោយអាចផ្ទុកអាវុធទម្ងន់ ជិត ២ តោន យន្តហោះនេះអាចវាយប្រហារក្នុងគោលដៅចម្ងាយជិត ២គីឡូម៉ែត្រ និងអាចហោះបានក្នុងរយៈពេល ១៤ ម៉ោងដោយមិនបាច់ចុះចត។
៩) កាំភ្លើងស៊ីប Barrett .50 Caliber Sniper Rifle
នេះ ជាប្រភេទអាវុធសម្ងាត់ (Sniper) ដ៏គ្រោះថ្នាក់នៅក្នុងជូរកងទ័ពអាមេរិកព្រោះវាអាចសម្លាប់សត្រូវ ដែលស្ថិតនៅក្នុងរយៈចម្ងាយ ១ ៨០០ម៉ែត្រដោយប្រើពេលមិនដល់៣ វិនាទីផង។ នេះមានន័យថា ទោះបីជាសត្រូវដឹង ក៏គេចមិនទាន់ដែរ។ បច្ចុប្បន្ន វាត្រូវបានប្រើប្រាស់ដើម្បីជួយដល់កងទ័ពថ្មើរជើង។
៨) យន្តហោះចម្បាំង Lockheed Martin F-35 Lightning II
F-35 ជាទូទៅត្រូវបានប្រើប្រាស់ក្នុងបេសកកម្មវាយប្រហារនៅក្នុងរយៈ ចម្ងាយរង្វង់ ១ ០០០គីឡូម៉ែត្រ។ បើទោះបីជាការប្រើប្រាស់យន្តហោះចម្បាំងមួយនេះចំណាយប្រាក់ច្រើន រដ្ឋាភិបាលអាមេរិកនៅតែប្រើប្រាស់វាដោយហេតុថា វាអាចវាយប្រហារបានឆាប់រហ័ស មានប្រសិទ្ធភាពខ្ពស់ និង អាចបំពាក់គ្រាប់នុយក្លេអ៊ែរទៅជាមួយផងដែរ។
៧) យន្តហោះបំបាំងកាយ Northrop Grumman B-2 Spirit
សម្រាប់ កងទ័ពអាមេរិក B-2 គឺជាយន្តហោះចម្បាំងដ៏មានសក្ដានុពលជាងណាៗទាំងអស់ ត្បិតអីវាអាចហោះបំបាំងកាយមិនឲ្យសត្រូវចាប់ដានបាននោះឡើយ និងអាចទម្លាក់គ្រាប់បែកធ្ងន់ៗដូចជា គ្រាប់បែកនុយក្លេអ៊ែរ មីស៊ីលទម្ងន់ធ្ងន់ក្នុងទម្ងន់សរុបដល់ ១៦៨ តោន។ ទន្ទឹមនឹងនេះវាអាចប្រតិបត្តិការក្នុងចម្ងាយ ១១ ៣ ០០ គីឡូម៉ែត្រដោយមិនចាំបាច់ចុះចត។
៦) កាំភ្លើង The M-Series Rifle
ជាមួយទម្ងន់ ប្រមាណ ៤ គីឡូក្រាម កាំភ្លើងវែង The M-Series Rifle អាចបាញ់លើគោលដៅសត្រូវដែលស្ថិតនៅចម្ងាយ ៥៥០ ម៉ែត្រយ៉ាងមានប្រសិទ្ធភាព។ កងទ័ពអាមេរិកពេញនិយមប្រើអាវុធប្រភេទមួយនេះណាស់ចាប់តាំងដាក់ ឲ្យប្រើប្រាស់ក្នុងរយៈពេលជាច្រើនទសវត្សមកនេះ។
៥) យន្តហោះទម្លាក់គ្រាប់ AC130H Spectre Gunship
យន្តហោះ ទម្លាក់គ្រាប់ AC130H ត្រូវបានផលិតឡើងតាំងពីទសវត្សទី ៦០មកម្ល៉េះ ក៏ប៉ុន្តែវានៅតែមានសក្ដានុពលរហូតមកដល់បច្ចុប្បន្ននេះ។ ដោយមានទម្ងន់ ៦១ តោន គេបានចាត់ទុកយន្តហោះនេះប្រៀបបានដូចជាកាណុងកាំភ្លើងធំបាញ់ពី លើអាកាសមកដីដូច្នេះដែរ ដោយសារគេបំពាក់វាជាមួយកាណុងផ្លោងដូចបាញ់ចេញពីដីទៅលើអាកាស។ វាអាចប្រតិបត្តិការហោះហើរក្នុងរយៈចម្ងាយជាង ៤ ០០០ គីឡូម៉ែត្រដោយមិនបាច់ចុះចត និង មានប្រសិទ្ធភាពវាយប្រហារនៅពេលយប់ព្រោះវាថែមទាំងបានបំពាក់ ប្រព័ន្ធបច្ចេកវិទ្យាកំណត់ទីតាំងសត្រូវ(IR targeting system) ទៀតផង។
៤) នាវាមុជទឹក Ohio Class Nuclear Submarines
ងាក មកមើលនាវាមុជទឹក Ohio Class ដើរដោយថាមពលនុយក្លេអ៊ែរឯណេះវិញ គឺជាគ្រឿងសព្វាវុធដែលមិនអាចខ្វះបានរបស់អាមេរិកសម្រាប់គាំទ្រ ដល់កងទ័ពគ្រប់ប្រភេទ។ ក្នុងទម្ងន់ ១៦ ០០០ តោនទៅ ១៩ ០០០តោន នាវានេះអាចបំពាក់មីស៊ីលបាញចេញពីក្រោមទឹក Tomahawk,Torpedoes និង គ្រាប់បែកនុយក្លេអ៊ែរធ្ងន់ៗជាច្រើនទៀតសម្រាប់វាយប្រហារ ជុំវិញពិភពលោក។
៣) នាវាផ្ទុកយន្តហោះខ្នាតធំ Nuclear Powered Aircraft Carrier
កាលពីមុនយន្តហោះចម្បាំងអាមេរិកអាចចុះចតបានលុះត្រាតែមាន អាកាសយានដ្ឋាននៅកន្លែងណាមួយ។ ក៏ប៉ុន្តែមកដល់ពេលនេះ វាមិនដូចមុនទៀតឡើយ ពោលគឺយន្តហោះចម្បាំងចាស់ថ្មីគ្រប់ប្រភេទអាចចុះចតលើនាវា ផ្ទុកយន្តហោះរបស់ខ្លួនដែលអាចធ្វើដំណើរគ្រប់ទីកន្លែងនៅជុំវិញ ពិភពលោក។ ក្នុងទម្ងន់ប្រមាណ ១០១ ៦០០ តោន នាវានេះអាចផ្ទុកយន្តហោះចម្បាំងបាន ៧០គ្រឿង និង យោធាចំនួន ៥ ០០០ នាក់។
២) គ្រាប់បែកអាតូមិចAtomic Bombs
គេមិនត្រូវ ភ្លេចនោះឡើយថា ក្រៅពីគ្រឿងសព្វាវុធដ៏មានសក្ដានុពលខាងលើ អាមេរិកនៅមានអាវុធខ្លាំងក្លាមួយទៀតគឺគ្រាប់បែកប្រល័យលោក អាតូមិច។ ក្នុងនោះគ្រាប់បែក MK-41 នឹងធ្វើឲ្យសត្រូវអាមេរិកសុបិនអាក្រក់ជាងណាៗទាំងអស់ត្បិតអីវា មានកម្លាំងខ្លាំងជាងគ្រាប់បែកប្រល័យលោកដែលអាមេរិកទម្លាក់នៅ ជប៉ុនមុនបញ្ចប់សង្គ្រាមលោកលើកទី២ដល់ទៅ ១ ០០០ ដងឯណោះ។ វាត្រូវបានគេចាត់ទុកថា ជាអាវុធដែលធ្វើឲ្យពិភពលោកមានសន្តិភាពផង ឬ រលំរលាយផងបើមានសង្គ្រាមលោកលើកទី៣ កើតមានឡើងនោះ។
១) គ្រាប់បែកទម្ងន់ធ្ងន់ The GBU-57A/B Penetrator
ក្នុង ទម្ងន់ ១៣ ០០០ គីឡូក្រាម កុំថាឡើយត្រង់សេចាក់បេតុងកម្រាស់ ៦០ ម៉ែត្រ ក៏វាអាចជ្រមុជបុកទម្លាយបានដែរមុននឹងផ្ទុះពេលបាញ់ទៅដល់ កន្លែងលាក់ខ្លួនជ្រៅបំផុតរបស់សត្រូវ។ វាជាគ្រាប់បែកធំជាងគេបំផុតក្នុងលោក ហើយមានតែយន្តហោះចម្បាំងអាមេរិកប៉ុណ្ណោះដែលអាចដឹកវាបាន។ អ្នកវិភាគនិយាយថា ការផលិតគ្រាប់បែកនេះជាប្រការមួយដើម្បីការពារថា បើអាមេរិកមានសង្គ្រាមជាមួយអ៊ីរ៉ង់មែននោះ គ្រាប់បែកនេះនឹងត្រូវយកទៅប្រើប្រាស់ដើម្បីកម្ទេចទីតាំងរោងចក្រ នុយក្លេអ៊ែររបស់អឺរ៉ង់ដែលមានបេតុងក្រាស់ៗដែលគ្រាប់បែកឯទៀតមិន ងាយចូលដល់៕
Sign up here with your email
